2nd Guv Garcia Airsoft Open mo-ulbo na karon

CEBU, Philippines - Kapin sa 600 airsoft enthusiasts ang magdugok karon sa second season sa Governor Gwen Garcia Airsoft Open nga mo-ulbo diha sa north reclamation area sa Mandaue 

City. Ang defending champion Crack Legion tinguhang mokubkob og sunod-sunod nga titulo, apan gikatakda silang mosagubang og dakung hagit gikan sa 15 ka laing partisipanteng koponan.

Gilaumang mohatag og lisud nga gubat sa Crack Legion mao ang Borbon leg champion Sagupa ug ang ilang runners-up ML Boa ug Guadalupe Airsoft Team (GAT).

Lain pang mga entrante ning usa ka adlaw nga gubat naglakip sa Sandugo Airsoft Warriors sa Bohol, SAAT sa Talamban, Argao Team Airsoft, Badian Airsoft Team, ASB Commando, West Rasmussen Team sa Badian, MI-43 Iskalawag sa Minglanilla, Overknights sa Lapu-Lapu City, Pacman of Mactan, Talamban Airsoft Team,

Bohol Beach Boys ug Mandirigma sa Mandaue

City.

Matud pa ni tournament chairman Deo Cerna sa Airsoft Group, nga ning tuiga maoy labing komplikado nga kompetisyon kay ila man gilakip ang bag-ong mga senaryo nga wala maapil sa miaging tuig.

"We have a lot of new scenarios incorporated to this season. We included some snipers, wall climbing and some rope works in this tournament. This is the toughest, so far," matud ni Cerna. (BANAT NEWS)