Ankla ug crv midaog sa fya

CEBU, Philippines - Parehong gipangpukan sa Team ANKLA ug sa CRV five ang tagsa-tagsa nila ka kaatbang niadtong Huwebes sa gabii aron magsawo sa liderato sa nagpadayong 3rd F. Llamas Youth Association (FYA) basketball tournament didto sa sitio Manggahan open court sa barangay Punta Princesa, ning dakbayan.

Gilubong sa ANKLA ang Matthew sa iskor, 72-57 samtang giligsan sa CRV ang Ernest Jay, 90-83.

Tungod sa maong kadaogan, pareho na karong naghupot og 2-0 nga baraha ang ANKLA ug CRV ug maoy nag-una sa kasamtangan.

Si Royce Sonsona mibahug og 24 puntos aron maoy mangu sa ANKLA samtang si Chissar Llegunas midugang og 18 puntos.

Si Vertucio Oliveros maoy nangu sa Matthew sa iya sab nga 18 puntos ug siya lang ang bugtong player sa ilang team nga mihakot og double figures.

Sa laing bahin, si Ranel Patalita miantog og 30 puntos og si Dexter Caballero miposa ug 25 puntos aron pangulohan ang CRV ug sila si Ip-ip Torrelisa ug Michael Garcia midugang og 13 ug 10 puntos matag usa.

Ang Ernest Jay kinsa nahiagum sa una nilang pilde alang sa 2-1 nga baraha, gipangulohan ni Mclean Alcueno sa iyang 21 puntos samtang si Emac Martillan mihakot og 15 puntos.

Puntos matag usa:

First Game:

ANKLA (72)— Sonsona 24, Llegunas 18, Masongsong 8, Cabanday 6, Jordine 2, Joedon 2, Pardenilla 2, Aglipa 2, Pelaez 2, Endrina 2

Matthew (57)— Oliveros 18, Cabigas 9, Atuel 6, Abella 6, Banzon 4, Montano 4, Marjun 4,Palo 3, Albarracin 2

Second Game:

CRV (90)— Patalita 30, Llegunas 25, Torrelisa 13, Garcia 10, Dacayana 6, Ago 4, Alapag 2, Babao 2, Enriquez 2

Ernest Jay (83)— Alcueno 21, Martillan 15, Labrador 7, Del Mar 5, Sabalande 5, Monisit 5, Medalle 5, Arreglo 4, Avila 2   - (BANAT NEWS)