Cebuano triathletes manulong sa Bohol

CEBU, Philippines - Gidapit ang mga Sugbuanong triathletes sa pag-apil sa labing unang Tour de Antequera karong Domingo didto sa Antequera.

Human gitubag ang hagit sa Xterra Philippines Championship niadtong Domingo didto sa Liloan, mosungasong na usab og laing makutas nga lumba ang mga local triathletes.

Ning maong lumba, dili   gilay-on ang hisgutan, kun dili ang kalisud sa rota sa lumba nga gilangkuban sa trail run ug duathlon event.

Ang trail run gibuak sa tulo ka kategoriya -- men's, women’s open ug executive division, samtang ang duathlon gibahin sa open individual ug open team/relay category.

Sa trail run, ang mga partisipante modagan og 10 kilometros nga rota, samtang ang duathlon motaak sa rota nga may gilay-ong 10 kilometros nga dagan, 20 km. biking ug dugang 2.5 km run.

Niadtong interesadong mosalmot, ang registration fee nagkantidad og P250 alang sa individual entry, samtang P300 sa duathlon ug P500 sa relay. – BANAT NEWS