10 ka teams salmot sa UPBC cagefest

CEBU, Philippines - Napulo ka teams ang kompirmadong mosalmot sa United Pusok Balls Club basketball tournament nga gikatakdang sugdan karong Marso 20 diha sa Brgy. Pusok open court, dakbayan sa Lapu-Lapu.

Kini naglakip sa Fe's Lechon, Luvendirell, Coral Point, PNP-LLCPO, Galaxy Fighter, Isla Noah, Kakkoi, Save More, San Remigio Beach ug Die Hard.

Ang kalihukan sugdan pinaagi sa usa ka parada sa mga partisipanteng koponan sa ala-1 sa hapon. Dayon isunod ang hamubo nga programa uban ni Pusok Brgy. Capt. Tranquilino T. Omolon Jr., kinsa gipaabot sab nga mohatag sa iyang mahinungdanon nga mensahe ngadto sa iyang mga sakop sa barangay.

Molamas sa opening ceremony mao ang paghagpat og best muse gikan sa 10 ka partisipanteng koponan.

Sa laing bahin, ang mga opisyales sa United Pusok Balls Club mao sila si Asteria Omolon (president), Ranny Emperio (facilitator), Martelino 'Aloy' Cabalhug (tech. com.) ug sila si Juliet Sildura ug Edna Saladaga (treasurers).

Ang torneyo gipaluyohan sab sa Pusok Physical Fitness Club, Math'z Sports Mania ug sa JB Sportswear nilang Judith ug Billy Nadado.  (BANAT NEWS)