Carmen mo-host sa E-GUV seminar

CEBU, Philippines - Ipahigayon karong adlawa ang third phase sa Cebu Volleyball Association (CEVA)-organized Extensive-Governor Gwen Garcia Unity Volleyball (E-GUV) didto sa Carmen, Cebu.

Dul-an na sa 500 ka trained participants ang nagtapok sa E-GUV program human sa unang duha ka clusters didto sa Dalaguete ug Ronda.

Naglaum ang CEVA og dugang mga partisipante sa pagtapon sa E-GUV didto sa Carmen alang sa duha ka adlaw'ng seminar ug training.

Ang mga partisipanteng mga siyudad ug munisipalidad naglakip sa Tabogon, Borbon, Sogod, Catmon, Carmen, Compostela, Liloan, Consolacion, Cordova, Danao City, Mandaue City ug Lapu-Lapu City.

"So far, the staging of the first two clusters were successful. After the training, we hope that each Local Government Unit will implement their perspective volleyball training programs and that the Department of Education will institute volleyball into a more enhanced sports program," matud ni E-GUV author ug CEVA co-chairman Glenn Anthony Soco.

Human sa Carmen, ang E-GUV mobalhin ngadto sa San Remigio, Bantayan ug San Francisco, Camotes. (BANATSPORTS)