4-leg badminton tourney kasado na

MANILA, Philippines - Isang bagong badminton ranking tournament na four-leg nationwide series ang hahataw ngayong buwan.

Tinawag na Philippi­ne Badminton Ranking System (PBaRS), ang na­sabing circuit ay magtatampook sa mga singles, doubles at mixed doubles events para sa Under-15, Under-19 at Open categories.

Sisimulan ang torneo sa Marso 27 hanggang Abril 3 sa Powersmash sa Makati, habang ang se­cond at third legs ay nakatakda sa Mayo 29 hanggang Hunyo 4 sa Bacolod at sa Hulyo 31 hanggang Agosto 6 sa Davao, ayon sa pagkakasunod.

Ang event, itinatagu­yod ng MVP Sports Foun­dation-Goal Pilipinas, Bo­nanza Corp. at Yonex-Sunrise, ay matatapos sa VP Grand Prix Badminton Open Championships sa Oktubre 22-29 sa Manila.

Maaaring magpatala sa PbaRS office sa 20 E. Mac­lang St. sa P. Guevarra, San Juan. para sa mga de­talye, tumawag sa 725-2568 o telefax 725-4942.

Ang serye ng mga torneo ay initial project ng bagong Philippine Badminton Association sa ilalim nina Vice President Jejomar Binay, sports patron at business tycoon Manny V. Pangilinan at Rep. Albee Benitez sa hanga­ring maitaas ang antas ng badminton sa bansa kasabay ng pagkakaroon ng tunay na national ran­king system.

Sa ilalim ng system, ang PBaRS magbibigay ng malinaw at organisadong sistema para sa mga ran­king players sinasabing mga serye kung saan ang mga players ay makakakuha ng ranking points.

Ang classification ng PBaRS tournaments ay ibabase sa prize money ng bawat event, katulad ng P2.5 million (5-star), P1.5 million (4-star), P1 million (3-star), P800,000 (2-star) at P500,000 (1-star).