Ankla, Habagat gisubha'g daog sa 3rd FYA cagefest

CEBU, Philippines - Gisubhan dayon og daog ang mga bag-ong teams, Ankla ug Habagat Cockers sa pagbukas sa 3rd F.Llamas Youth Association (FYA) basketball tournament didto sa sitio Manggahan open court sa barangay Punta Princesa, ning siyudad.

Sa opening match, ang Ankla mitamparos sa defending champion Simpolang Barbecue Haus, 64-49, samtang ang Habagat mi-iskor og 60-50 nga kadaugan batok sa Viking Haulers kortesiya nilang Nico Laborte ug Mark Arias nga mitusak og crucial triples sa katapusang singko minutos sa duwa.

Si Laborte miposa og 15 puntos alang sa Habagat, samtang ang iyang maguwang nga si Adrian 'Tata' Laborte midugang og 12 puntos. Si Arias, ang anak ni ex-SWU Cobra Michael Arias miamot og 10 puntos.

Ang Viking gipangulohan ni Paul Basalo, kinsa mihipos og 13 puntos.

Atol sa opening ceremony, si Kessie Mae Kajutor sa team Habagat maoy napiling Ms. FYA 2011, samtang ang Ernest Jay ni team owner Baeng Medalle maoy napili isip best in uniform.  

Puntos Matag Usa

Unang duwa:

Ankla (64) - Llegunas 14, Sonsona 10, Cabanday 9, Abela 8, Masongsong 6, Pardenilla 6, Pelaez 4, Tolentino 3, Endrina 2

Simpolang (49) - Villaver 15, Medalle 9, Aglipa 9, Canceko 7, Laurente 4, Abella 2, Zapanta 2, Abayan 1

Ikaduhang duwa:

Habagat (60) - N. Laborte 15, T. Laborte 12, Arias 10, Aunzo 6, E. Oropa 6, Bahina 4, Marata 3, M. Oropa 2, Rosace±a 1

Viking (50) - Basalo 13, Cadungog 9, Avila 6, La±ojan 5, Cansico 4, Paca±a 2, Baldago 2, Cal 2, Abayan 2.  - BANAT NEWS