Cordero, Satumbaga PSA-Chiz shootfest champion
MANILA, Philippines - Pinangunahan nina Abac Cordero ng The Philippine Star at Kristel Satumbaga ng Manila Bulletin ang kani-kanilang mga dibisyon sa 1st Philippine Sportswriters Association (PSA)-Sen. Chiz Escudero Shooting Championships kamakalawa sa Arsmcor Indoor Shooting range sa Makati Cinema Square.
Nagpaputok si Cordero ng perfect 250 points para pagbidahan ang men’s division, habang nakihati naman si PSA president at Philippine Daily Inquirer sports editor Teddyvic Melendres kay Carlo Sacamos sa second at third place sa magkatulad nilang 248 points.
Sinorpresa naman ni Satumbaga ang women’s class nang magtala ng 170 points kasunod ang 167 ni Abante sports editor Virgi Romano at 164 ni Taliba sports editor Ana Federigan.
Sinabi ni Escudero, isang avid shooting enthusiast, na ito ay magiging isa nang annual affair para sa mga sports editors at writers na miyembro ng pinakamatandang media organization. Nagdaos si Escudero ng seminar ukol sa gun safety at responsible handling bago ang tournament.
- Latest
- Trending
