Donaire ikakasa ni Arum kay Moreno sa Mayo 28

MANILA, Philippines - Hindi magtatagal ang pahinga ni Nonito Donaire Jr. matapos niyang agawin ang WBC at WBO bantam-weight title na dating ha­wak ni Mexican boxer Fer­nan­do Montiel.

Ayon sa promoter nito na si Bob Arum ng Top Rank, plano na nilang isalang sa aksyon si Donaire sa Mayo 28 o 14 araw ma­t­apos luma­ban ang Pambansang kamao na si Manny Pacquiao laban kay Shane Mosley sa Mayo 7 sa MGM Grand sa Las Vegas.

Isang unification fight ang balak isalang para kay Donaire at ang makakalaban nito ay si WBA champion Anselmo Moreno.

“I’m ready to fight anybody,” wika ni Donaire ma­tapos niyang manalo kay Montiel.

Ang laban ay gagawin sa Oakland, California na kung saan marami ring Pi­noy ang nakatira at tiyak na susuporta sa kanya.

Sinelyuhan ni Donaire ang pagiging pinakamahusay na bantamweight bo­xer nang kanyang patulugin sa loob lamang ng da­lawang round si Montiel gamit ang kaliwang hook.

“It’s more of an instinct. I saw his (Montiel) punch coming and pulled back and throw the left hook and landed perfectly. I dropped guys with the sa^­me punch when they throw a right. I done it with (Vic) Darchinyan, (Raul) Martinez and (Volodymyr) Sydorenko,” paliwanag nito sa pinakawalang suntok.

Masaya rin ang ma­na­ger nitong si Came­ron Dunkin sa panalo ni Do­nai­re dahil nakuha ng ‘Filipino Flush’ ang panalo kahit maraming problema itong ki­nakaharap sa kanyang pa­milya hinggil sa usapin sa pera.

“I feel terrific and exci­ted for Nonito,” wika ni Dunkin. “I know he is in tremendous shape but I was concern with him mentally. With the stress and focus on the fight because of his family problem.”

Si Moreno ay kampeon ng dibisyon mula pa noong 2008 nang talunin si Sydo­renko sa pamamagitan ng unanimous decision.

May 30 panalo sa 32 laban ito kasama ang 10KOs at may 24 fight steak.

“I want to fight the best and prove myself more and get better. I believe fighting the best out there, it motivates me to train harder. It brings out the best in me,” pahayag pa nito.

Hindi pa selyado ang la­ban nila ni Moreno pero kung mangyayari nga ito ay ipagkakatiwala ng Team Donaire ang pagsusuri sa champion sa kamay ng ma­husay na trainer na si Robert Garcia.