Blue team 2-0na sa BJMP sportsfest

CEBU, Philippines - Mikulit sa ilang ikaduhang daog ang Blue Team ubos sa Cebu Regional Office ni playing coach Niño Nemeño ug skipper Louie Fajardo dihang ilang gipukan ang Green-Lapulapu City Jail, 77-64 samtang ang Red-Jail Crusaders midaog batok sa Black-Mandaue, 76-65 kaniadtong Martes sa nagpadayong Bureau of Jail Managament and Penology (BJMP) 2011 Inter-Color Sportsfest didto sa BJMP covered court sa barangay Kalunasan, ning dakbayan.

Sayong naglabaw ang Blue, 27-14 sa opening period pinaagi sa pagtimon ni Fajardo ug Joel Bantaya ug padayon silang nagkontrolar sa duwa hangtod didto sa second ug third periods.

Mikulit og double figures nga abante ang Blue sa fourth period ug wala na makasikit ang Green. Si Bantaya maoy nangu sa Blue sa iyang 23 puntos samtang sila si Fajardo ug Norvin Cuyno midugang og 20 ug 16 puntos matag usa. Si Dindo Sienes maoy nangu sa Green sa iyang 15 puntos samtang sila si Archer Templado ug Luis Ranara parehong miposa og 12 puntos, matag usa.

Sa sayo pa, si Kyle andaya mihakot og 26 puntos ug si Lito Tarona miamot og 16 puntos aron pangulohan ang Red Team.

Si Lino Capaning maoy nangu sa Black pinaagi sa iyang 25 puntos.

Ang torneyo sa BJMP nahimo tungod sa pagpaluyo ni BJMP Region 7 director Jail Superintendent Roneo S. Vios.

Puntos matag usa:

First Game:

Red (76)— Andaya 26, Tarona 16, Reasul 13, Gerona 7, Aliño 6, Silloga 4, Manatad 4

Black (65) — Capaning 25, Lodovice 16, Templado 15, Delega 6, Cedro 2, Sapepe 1

Second Game:

Blue (77) —Bantaya 23, Fajardo 20, Cuyno 16, Batong 5, Saornido 3, Tabang 2, Gutual 2, Nemeño 2, Sicmat 2, Empacis 2

Green (64) — Sienes 15, Mate 12, A. Templado 12, Ranara 12, Apuya 6, Alpon 3, Colina 2, Aquino 2 .  - BANAT NEWS