Higanteng sportsfests sa I.T. Park

CEBU, Philippines -  Tulo ka dagkung sporting events nga adunay maayong   katuyoan ang mahitabo karong Marso 19 pinaagi sa Summer Break 9020 diha sa Asiatown IT Park sa brgy. Apas, ning siyudad.

Gilangkuban kini sa running, extreme games ug underbone, ang maong sportsfest magsilbe usab nga fund-raising program alang sa Kythe-Cebu, usa ka charity foundation nga motabang sa mga kabataan nga may sakit nga cancer.

Sa lumba sa dagan, nga uloha'g "Run for Kids with Cancer" adunay 600-meter run, 3, 6 ug 12-kilometer run.

Ang 600-meter run alang sa nga runners nga nag-edad og 12 anyos ug paubos, samtang ang ubang mga kategoriya bukas sa tanan.

Ang registration fee nagkantidad og P300 libre na ang singlet, race bib ug gift pack gikan sa mga sponsors lakip na ang Omega Po, Casino Ethyl Alcohol, Bioderm, Lecit-E, Zip, Pepsi ug Gatorade, ug uban pa.

Sa extreme game nga gipasiugdahan sa DC, naglakip sa skateboarding, bmx ug in-line skating.

Ang maong kompetisyon magsilbe nga eliminasyon sa Visayas diin ang modaog moabante sa DC National Championship didto sa Manila.

Sa laing bahin, ang underbone gibahin sa upat ka kategoriya -- modified, superstock, vintage ug customized categories.

Ang registration areas sa maong sportsfest nahimutang sa Active Zone sa Ayala Center- Cebu. (BANATSPORTS)