Notadong coach sa ALA Boxing gym uslan sa ABAP

CEBU, Philippines - Uslan una sa Amateur Boxing Association of the Philippines (ABAP) ang notadong strength and conditioning coach sa ALA Boxing Gym nga si Pio Solon aron mopalig-on sa mga national boxers kinsa nangandam sa mas dagkung international tournament.

Si Solon mao ang gitudlong instrumento sa dakung kalamboan sa kondisyon ug kusog nila WBO minimumweight champion Donnie Nietes, Mark Jason Melligen ug Rey 'Boom Boom' Bautista.

Si ABAP executive director Ed Picson maoy nakahuna-huna nga kuhaon ang serbisyo ni Solon alang sa RP Team.

 Gihangop usab kini ni ALA Promotions president Michael Aldeguer, kinsa bukas sa bisan unsang lakang alang sa kalampusan sa mga Pinoy boxers nga mopakita'g aksiyon sa 2012 London Olympics.

Si Solon mo-train sa RP team kaduha sa matag buwan.

Lakip sa mga international boxing tournament nga pangandaman sa RP Team mao ang 2011 World Men’s Boxing Championship sa Septiyembre didto sa South Korea ug 26th Southeast Asian Games sa Indonesia sa Nobiyembre. (BANATSPORTS)