29th SAC-SMC All-Cebu Sports Awards

CEBU, Philippines - Mga atleta dinhi sa Sugbu nga misidlak sa tagsa-tagsa nila ka sports disciplines sa miaging tuig ang pasidunggan karong adlawa sa 29th Sportswriters Association of Cebu-San Miguel Corporation (SAC-SMC) All-Cebu Sports Awards diha sa Ayala Activity Center.

Ang kalihukan nga bukas ngadto sa publiko sa labing unang higayon, sugdan sa alas-3 sa hapon.

Mag-una sa panon sa honorees mao ang "Athlete of the Year" nga pilian gikan sa 17 ka major awardees sa 14 sporting disciplines.

Ang outstanding sportsmen, kinsa nakatampo sa pagpalambo sa Cebu sports hatagan sab og pasidungog ning tinuig nga kalihukan nga gipasiugdahan sa San Miguel Corporation uban sa pakigtambayayong sa Aboitiz Equity Ventures, Smart, Rudy Project, Citigym, Air21 ug M. Lhuillier Kwarta Padala.

Ang football patron nga si Dan Palami maoy modawat sa prestihiyosong "Presidential Award." Si Boojie Lim modawat sa "Sportsman of the Year" samtang si Philippine Sports Commission (PSC)-7 director Dr. Danilo G. Villadolid maoy tunolan sa "ORLACSAN Memorial Award."

Uban nila ni Palami, Lim ug Villadolid nga modawat og pasidungog mao ang mga major awardees nga naglakip nila ni Lindley Fran Navaja sa athletics, Cebu Eastern College (CEC) Dragons ug University of Cebu (UC) Webmasters sa amateur basketball, Southwestern University's Danika Gendrauli ug Lorie Mae Layno sa beach volley, Warren Kiamco ug Rubilen Amit sa billiards, Kim Lao sa bowling, Donnie Nietes sa boxing, Rogelio Barcenilla sa chess, Luis Ansag sa dragon boat racing, Irina Gabasa sa golf, Jette Calderon in karting, Sabah Fadai sa mixed martial arts, Kevin Cortes sa shooting, UC Table Tennis Team ug ang University of Southern Philippines Foundation (USPF) girls volleyball squad.

Ang special citations ihatag ngadto nila ni David G. Lim (autocross), Banilad Elementary School-Mandaue (badminton), Mike Lopez (baseball), Sacred Heart School-Ateneo de Cebu, M. Lhuillier Kwarta Padala Niños, Junemar Fajardo, Nikee Montalvo, Patrick Nigel Go, Henry Renzal Asilum, University of the Visayas (UV)/B-Meg ug Britt Carlo Reroma (basketball), Cebu Tenpin Bowling Association (CETBA), Milan Melindo, Rocky Fuentes, Roli Gasca, Mercito Gesta, Michael Romarate, Albert Pagara ug Malcolm Tuñacao (boxing), Kyle Sevillano ug Richard Bitoon (chess), Igi Maximo, John Rene Mier ug Marites Bitbit (cycling), Charlea Lagaras (dancesport), Cheska Toledo, Jose Rafael Lipardo, Pericles Dakay, Jr., Renko Gaudiel, Clint Ligan, Oliver Colina, Aboitiz and Co. ug St. Theresa's College (football), Gio Gandiongco (golf), Joaquin Fernandez (judo), Noel Espinosa (karatedo) ug Jon-Jon Adlawan (motocross).

Ang uban pang mga awardees mao ang Cebu Executive Runners Club (CERC), Mary Grace de los Santos, Mendel Lopez, Merlita Arias Dunkin ug Mary Joy Tabal (running), Noel Flowers, Ayumi Ono ug Beekay de los Santos (rugby), Abellana National School (sepak takraw), Marlin ug Lowell Belarmino (shooting), Loren Dale Echavez (swimming), Teodoro Martus (scrabble), Dannel Jay Tormis, Jean Phillippe Honoridez, Lemuel Agbon, Jann Mari Nayre, Val Stephen Jaca, Vince Flores, Stanley Heredia, Gerardo Heredia ug Kent Abelanosa (table tennis), Glen Lava ug Rinna Babanto (taekwondo), Arthur Craig Pantino, Christopher Encarnacion, Salle Mae Siso, Claire Lazaga, Clarissa Mae Fuente and Edelweiss Donaire (lawn tennis), Noy Jopson, Elmo Clarabal, Sugbutriathlon ug Lorhiz Echavez, (triathlon/duathlon) ug Cebu Volleyball Association (CEVA).  (BANATSPORTS)