Rama Boys midemolis sa Alberto's Pizza friendly game

Mikudlit og game-high 34 puntos si Cebu City Mayor Michael Rama uban ang walo ka triples alang sa Rama Boys-Akagi nga milubong sa AlbertoÆs Pizza, 101-85 sa ilang exhibition match sa miaging gabii didto sa Capitol Parish gym.

Human sa sikit kaayong first half, mi-rally ang Rama Boys sa pagpangulo ni Mayor Rama ug giinat ang ilang labaw ngadto sa 11 puntos, 72-61 sa wala pa nila hingpit maangkon ang 16 puntos nga kadaugan.

Gawas ni Rama, si Rene Toring miposa usab og double figures pinaagi sa iyang 14 puntos.

Sila si Mark Villagonzalo ug Ian Aparri mao ang nangulo sa pilderong Alberto's Pizza nga adunay 17 ug 16 puntos matag usa.

Sa laing bahin, ang   University of San Carlos (USC)-Team A nakaipsot batok sa University of Southern Philippines Foundation (USPF) sa iskor nga 59-54 aron magpabiling walay pilde sud sa tulo ka duwa.

PUNTOS MATAG USA

Unang duwa:

Rama Boys-Akagi (101) - Rama 34, Toring 14, Anion 12, Aying 9, Navarro 7, Borbon 7, C. Reyes 6, Sanchez 6, Canoy 4, Y. Reyes 2

Alberto's Pizza (85) - Villagonzalo 17, Aparri 16, Labay 12, Grogaard 11, Tandan 8, Tan 5, Alvarez 5, Kasayan 5, Momon 4, Chua 2

Ikaduhang duwa:

USC-A (59) - Te 13, Loon 12, Lapa 8, Ngoboc 8, Dagani 4, Dumalag 4, Herbias 3, Cabz 3, Tamarra 2, Jordan 2

USPF (54) - Velayo 26, Bautista 8, Ouno 7, Acero 4, Cabatuan 4, Cabatuan 3, Quirol 2