Jr. Davis Cuppers sisikaping makabangon

MANILA, Philippines - Bukod sa Philippine Davis Cup team ay pursi-gido ring naghahanda ang Junior Davis Cuppers na magtatangkang bumangon buhat sa kinalulugarang Asia-Oceania pre-qualifying bracket.

Nalaglag sa grupong ito ang Pilipinas nang lumagay sa ika-15th at 16th place noong nakaraang taon sa Anquing, China.

Aabot sa 12 koponan ang maglalaban-laban sa torneong ito na gagawin sa Sri Lanka mula Pebrero 21 hanggang 25 at tatlong manlalaro ang sasandalan ng Pilipinas para makaangat sa 16-team qualifying stage sa India sa Abril.

Minamandohan ni coach Roland Kraut, ang maglalaro sa Pilipinas ay sina Jurence Mendoza, Jacob Lagman at Kyle Joseph.

Ang 14-anyos na si Men­doza ay kasapi ng nag­daang taong koponan habang baguhan naman sina 15-anyos Jacob Lagman at 14-anyos Kyle Joseph.

Sa murang edad ay be­terano na si Mendoza at noong nakaraang Disyembre ay hinirang na kam­peon sa Phinma ITF Tennis Championship Week 2 na ginanap sa Rizal Memorial Tennis Center.

Kailangan ng Pilipinas na mapasama sa unang tatlong bansa sa pre-qualifying tournament para makasama sa qualifying stage na bu­buuin ng 16 na bansa.

Ang mangungunang apat na koponan sa quali­fying stage ay magkakaroon naman ng pagkakataon na maglaro sa World Group sa Setyembre.