Fire Run 2011 gitakda sa Marso 6

CEBU, Philippines - Ang Cebu Filipino-Chinese Volunteers Fire Brigade (CFCVFB) gikatakdang mopasiugda og lumba sa dagan nga uloha'g Fire Run 2011 karong Marso 6 diha sa The Terraces sa Ayala Center-Cebu. 

Ang maong kalihukan kabahin sa kasaulogan sa 30th anniversary sa CFCVFB. 

Ang proceeds sa maong lumba gamiton alang sa ìLearn not to Burn Programî sa CFCVFB. Ang maong programa   mao ang pagtudlo sa mga bata sa mga lakang aron paglikay sa sunog.

Gibuak ang lumba ngadto sa lima ka kategoriya nga naglakip sa 15K, 7.5K, 3K ug kiddieís 100 meter ug 200 meter run. 

Ganting salapi ug medalya ang madawat sa top finishers, diin ang kampiyon sa 15K mobulsa og P7,000, samtang ang second ug third placers makadawat og P5,000 ug P3,000 matag usa. 

Ang registration fee nagkantidad og P300 sa 15K, samtang P250 alang sa 7.5K, 3K ug kiddies division. 

Niadtong interesadong mosalmot, mahimong magparehistro didto sa Runnr sa Ayala, Philippine Sports Commission sa Cebu City Sports Center, Fitness First ug CFCV Fire Brigade Office. - (BANAT NEWS)