Terraplana barefoot running clinic gitakda

CEBU, Philippines - Adunay ipahigayon nga Terraplana barefoot running clinic karong Sabado diha sa Ayala Active Zone.

Ang maong running clinic motabang sa mga bag-o lang nakat-on sa running pinaagi sa paghatag og tips ug techniques. Haum usab kini alang ngadto sa mga runners nga modagan sa 2nd Run with a Smile ug SM 2 SM Run karong Domingo sa managlahing binyu.

Gibana-banang moabot ngadto sa 50 ka mga partisipante ang mosalmot sa clinic nga sugdan kini sa alas-2 sa hapon diin ang elite Cebuano triathlete nga si Dr. Raymund Bontol maoy guest speaker.

Gawas sa kaalam mahitungod sa running, ang mosalmot adunay kahigayonan nga modaog og freebies gikan sa Terraplana. - BANAT NEWS