CEBU, Philippines - Atubangon na sa Catmon Elementary School (CAS) spikers ang dakung hagit sa pagsikad sa 8th Shakey's Girls Volleyball League Cebu Qualifying karong adlawa diha sa Aznar Coliseum.
Ang Catmon maoy labing unang koponan sa elementary nga mosalmot sa kompetisyon.
"This is indeed a great opportunity for my team, that’s why I was not in doubt in accepting the invitation. This tournament is a great exposure for my players and to test their skills as they compete against the high school players," matud ni coach Vilma Veloso.
Ang ilang partisipasyon kabahin sa ilang pagpangandam alang sa Palarong Pambansa karong summer.
Matud pa ni Veloso nga tulo sa iyang graduating players nga sila si Mae Angeli Montebon, Justine Dorog ug Maria Lina Montebon ang gisaytan sa Hope Christian School sa National Capital Region (NCR), kansang coach ang mituyo og adto sa Catmon aron pormal nga imbitahon ang mga magduduwa.
Ang tulo maoy mangulo sa koponan uban nilang Wella Mae Ortega, Mary Angielou Castillo ug Chrisley Ann Sucalit sa first six.
Mokompleto sa komposisyon sa Catmon mao sila si Rayanne Mae Bolitho, Samantha Louise Abrigo, Justine Therese Bragat, Riva Tibay, April Joy Butanas ug Janzel Bate. (BANATSPORTS)