Mountainbike Challenge sa Mohon, Talisay
CEBU, Philippines - Magginukdanay ang mga tang-ang siklesta dinhi sa Sugbu sa 1st Sikad Para Ni Sto. Niño Mountainbike Challenge karong Domingo didto sa Sto. Niño Parish ground sa barangay Mohon, dakbayan sa Talisay.
Gibuak ngadto sa tulo ka dibisyon -- novice, executive ug expert, ang lumba magsilbeng highlight sa umaabot nga kapistahan sa ilang mahal nga patron Senyor Santo Niño karong Pebrero 13.
Matud pa ni Mohon Brgy. Councilor Aberdo Veychartz Belleza nga ang lumba bukas sa tanang mga cycling enthusiasts dili lang sa mga Talisaynon, apan lakip na sa mga "out-of-towners."
Mokabat ngadto sa P15,000 nga ganting salapi ang giandam alang sa tanang mananaog sa tulo ka dibisyon.
Alang niadtong interesadong moapil sa lumba, ang registration nagkantidad og P200 alang sa expert ug P150 sa beginners ug executive class.
Sa maong registration fees, ang mga partisipante makadawat og libreng t-shirt ug snacks.
Ang nag-unang 50 registrants makadawat og freebies gikan sa event sponsors.
Adto lang parehistro sa Mohon barangay hall sa Talisay City. (BANAT NEWS)
- Latest
- Trending
