29th SMC-SAC awards sa Pebrero 19 mosikad

CEBU, Philippines - Karong Pebrero 19, mag-abot ang labing maayong mga atletang Sugboanon nga nakahatag og dakong dungog sa Sugbo sa nagkalain-lain nilang sports discipline.

Pipila kanila ang makadawat og major awards ug ang uban hatagan ug citations atol sa tinuig ug ika-29 nga pagpahigayon sa Sportswriters Association of Cebu (SAC) nga sukad pa kaniadtong 1982 gipaluyohan kanunay sa San Miguel Corporation.

Ang maong kalihokan adto masaksihan nga libre sa publiko sa Ayala Terraces gikan sa alas 5 sa hapon ngadto na sa alas 7 sa gabii.

Pinaagi sa mga maabtikong mga sakop sa SAC nga gipangulohan ni John Pages, amo nang nahibaw-an ang tanang mga kandidato lakip na ang napiling Sportsman of theYear, Presidential Awardee ug ORLACSAN Award apan dili pa namo mahimong ikabutyag sa publiko hangtod dili pa himoon ang SAC awards night.

Aron mosamot kamabulokon ang 29th SMC-SAC awards, gisuwayan ni Mr. Pages pagdapit dinhe ang mga sakop sa Azkals football team ug dayag nga magkaguliyang ang mga batan-on nga mahiligon sa football ilabi na gyud ang mga dalagang Sugbo-anon nga mosuroy sa Ayala nianang higayona.

Tungod kay ako man maoy nag-cover sa Cebu Schools Athletic Foundation, Inc. (CESAFI), daghan ako ug mapaambit kaninyo nga mga detalye kalabot sa SAC awards.

Mabulokon ug makasaysayanon ang miaging 10th season sa CESAFI bisan pa man tuod og adunay duwa nga dagko kaayo’g lubong apan mas nalingaw ang katawhan sa mga nahimong overtime ug mga upset.

Giputol sa University of Cebu (UC) Webmasters ang siyam ka tuig nga pagdominar sa UV Green Lancers sa CESAFI dihang giluwas kini sa ilang 6-9 nga higanteng si Junemar Fajardo nga lakip sa UC team nga makadawat og major award isip maoy MVP.

Gipakuratan sab sa Cebu Eastern College (CEC) Dragons ang Cebuano basketball fans dihang ilang gisakmit ang korona sa juniors division nga kanunay giilogan tali sa UV ug UC. Si Nikee Montalvo maoy MVP sa juniors division.

Lakip sab sa makadawat og award mao ang akong higala nga si Britt Carlo Reroma, usa ka Sugboanon nga nasaypan lang nga taga Manila tungod kay dugay na man siyang nagpuyo didto gikan pa sa iyang pagka-player sa San Beda Red Cubs ug nahimong sakop sa San Beda Red Lions ug human sa siyam ka tuig isip assistant coach sa legendary high school coach nga si Edmundo “Ato” Badolato, nahimo gyud siyang head coach sa miaging tuig ug siya maoy napiling NCAA Coach of theYear sa juniors division human ilampaso sa Red Cubs ang San Sebastian College Golden Staglets (2-0) sa ilang best-of-three finals didto sa Araneta Coliseum.

* * *

USC Stadium. Sa dili madugay, makabaton na og bag-ong Olympic standard stadium ang Sugbo tungod sa gitukod karon nga usa ka maanindot kaayong track oval nga University of San Carlos (USC) Stadium didto sulod sa 65 ka hektaryang luna sa USC Talamban Campus.

Niining pipila ka adlaw ang molabaw ilabi na sugod sa 2012, dili na ako mahibulong kung ang mga track and field athletes na sab sa USC maoy manghawud sa mga kumpetisyon dinhe sa atong nasud ug aduna nay posibilidad nga ilang malabwan ang mga atleta sa UC. Sa kasamtangan, ang USC mao kanunay ang mahimong kampiyon sa swimming ug lig-on sab ang ilang volleyball ug tennis teams apan dili kaayo sila makadominar sa natad sa basketball.

Ang bag-ong stadium nga gitukod dili lang garbo alang sa mga tagdumala sa USC apan ikapanghambug kini sa tibuok nasud kung mahuman na kini tungod kay didto sa Talamban Campus, dili kaayo disturbo ang pag-ensayo didto tungod sa kaanindot sa lugar nga landong kaayo tungod sa daghan kaayong kahoy. Bugtong ang kundisyon sa trapiko maoy sagabal niadtong dapita nga hangtod karon wala pa gayud masulbad.

Miscellaneous. The USC-BED South Campus IV Year-Section Violet under class adviser Mr. Rhio P. Bacorta held their Recollection last Monday, January 24 at the USC Retreat House located at the sprawling 65-hectare lot inside the USC Talamban Campus. Before meeting with the children that night, USC South chaplain Fr. Jerome Cayetano conducted a short orientation with the parents where we received love notes from them in respond to our letter. It was indeed a great and remarkable experience for the parents who braved into the dark, crooked and treacherous pathways leading to the Retreat house .