CEBU, Philippines - Gumikan sa kanunay'ng pag-uwan, ang organizers sa Kiddy Run diha sa Banilad Town Centre (BTC), napugos pag-uswag sa kalihukan ngadto sa Marso 5.
Ang lumba gitakda untang himuon karong adlawa.
"Some parents called us and expressed concern about the rains, and we are also concerned about the effect on the kids’ health," matud pa ni BTC marketing director Cerwin T. Eviota.
Gitug-an sab ni Eviota nga ilang giuswag ang Kiddy Run ngadto sa Marso 5 kay ang BTC napuno na og mga kalihukan sa bulan sa Pebrero.
Gumikan ning maong kalamboan, ang BTC padayon gihapon sa ilang registration hangtod sa alas-12 sa udto sa Marso 3, 2011.
Ang registration fee nagkantidad og P250.
Kadto lamang mga bata nga nag-edad og 12-anyos ug paubos ang makasalmot sa Kiddy Run nga gibahin sa tulo ka dibisyon -- Mites (8 years old and below); Peewee (9 and 10 old)) ug Mini (11 and 12 years old).
Ang Kiddy Run gipaluyohan sab sa Pan de Manila, Adidas Sports Depot, Pancake House, Tutoring Club, Optical Adult & Child, Singapore School of Cebu ug Gymboree. Alang sa dugang mga detalye, bisitaha ang BTC website online sa www.BaniladTownCentre.com, check on Facebook Events o mahimong motawag sa BTC admin office sa 345-3260. (BANATSPORTS)