Pagulayan Derby Classic Champion

MANILA, Philippines - Pinayukod ni Alex “The Lion” Pagulayan ang kababayang si Ronato “Volcano” Alcano sa isang all-Filipino finale upang angkinin ang 9-ball banks division ng 13th Annual Derby City Classic na ginanap sa Horseshoe Casino sa Elizabeth, India­na, USA.

Ibinulsa ng pambato ng Cabagan, Isabela ang top prize na $10,000 para sa kanyang panalo.

“This is the first year I’m not tired yet,” sabi ni Pa­gulayan, namahinga sa Las Vegas, Nevada bago bumalik sa paglalaro ng bil­yar. “Matagal-tagal na din tayong hindi nagkampeon kasi matagal din tayong na­hinto sa paglalaro.

Si Pagulayan ang da­ting World 9-ball at US Open 9-ball champion.

Nakatakdang suma­bak si Pagulayan sa Fat Boy 10-ball challenge na haha­taw ngayong araw. Si Effren “Bata” Reyes ang nagkampeon sa naturang torneo noong nakaraang taon matapos talunin si ho­metown hero Brandon Shuff , 15-8.

Si Reyes ay nabigong makalaro sa ngayong edition dahil sa back problems, ayon sa ulat ng official website AZ Billiards.com.