Pacquiao mag-Presidente?

CEBU, Philippines - Mihimo og usa ka rebelasyon si Top Rank Inc. CEO Bob Arum dili sa nagsingabot nga away, apan kabahin sa mamahimong dagan sa karera sa politika ni Sarangani Province Rep.Manny Pacquiao.

"I tell you, Pacquiao will become the president of the Philippines when he reaches 42," matud pa ni Arum sa examiner.com.

Si Arum nagkanayon nga dili imposible alang ni Pacquiao nga magmalampuson sa natad sa politika sama sa boksing, tungod kay gipakita sa eight-division world champion ang iyang dakung pagmahal sa iyang nasud.

"Manny is 'a work in progress' conceivably learning the arts and wiles of politics and I believe he is going to be very successful in what he does and in what he will do as a politician, to the best of the Philippines," dugang pa ni Arum.

Si Pacquiao gihugon-hugonang makigtagbo sa labing impluwensiyadong presidente sa kalibutan nga si US President Barrack Obama sunod buwan atol sa promotional tour sa Pacquiao-Shane Mosley showdown.

Ang WBO welterweight champion manalipod sa iyang bakus batok ni Mosley sa Mayo 7 didto sa MGM Grand Garden Arena sa Las Vegas. - BANAT NEWS