9 teams mosalmot sa MKBC summer hoop

CEBU, Philippines - Siyam ka teams ang kompirmadong mosalmot sa Mawin’s Kitchen Basketball Cup (MKBC) 2011 summmer basketball tournament nga sugdan ugma sa alas-6 sa gabii didto sa Vicente Sotto Memorial Gym sa barangay Punta Princesa, ning dakbayan.

Ning tuiga, adunay tulo ka bag-ong koponan ug kini mao ang Western Union Saint, Dewfoam ug Energizers.

Lain pang koponan nga mosalmot mao ang   AMBL ni Allan Lim, Fatima, Respawn, Kamikaze ug Scourge.

Gipaluyohan ni Punta Princesa barangay captain Jose Navarro uban sa iyang anak nga si konsehal Joselito ug ni Kalubihan barangay councilor Rex Milan, ang torneyo mosubay og single-round robin format ug ang top four teams maoy mo-abante ngadto sa crossover semifinals diin ang mga mananaog mag-abot alang sa best-of-three finals. (BANATSPORTS)