CEBU, Philippines - Nagpanikad na ang bag-ong PABA bantamweight champion nga si Roli Gasca ug kanhi WBC silver flyweight champion Edrin Dapudong nga mopakita sa ilang abilidad aron ipamatuod nga sila ang umaabot nga world title contender sa nasud.
Ang Sugbuanong si Gasca ug Dapudong sa Braveheart stable pulos nalakip sa undercard sa "Pinoy Pride 3: The Rematch" karong Enero 29 diha sa Waterfront Cebu City Hotel and Casino.
Ang lumad nga taga-Barili nga si Gasca nga mo-away sa labing una niyang dakung away dinhi sa Cebu, gikan pa sa iyang impresibong 6th round knockout nga kadaugan batok ni Tabtimdaeng Na Rachawat niadtong Nobiyembre didto sa Thailand.
Ning higayona, si Gasca (14-1, 2KOs) makigsangka sa laing Pinoy super flyweight nga si Joash Aparicio (2-3) sa Cagayan de Oro City.
Samtang ang kanhi kampiyon nga si Dapudong mohimo usab sa iyang debut fight ubos sa ALA Promotions uban ang paglaum nga mabalik iyang ngalan sa mga title contender sa flyweight division.
Si Dapudong nga napilde ngadto ni Wilbert Uicab sa miaging tuig, makigsangka ni Sofyan Effendi sa Indonesia. – BANAT NEWS