CEBU, Philippines - Masukod na sab ang abilidad sa mga Sugbuanon runners sa pagsikad sa Argao Mud-Trail Run 2011 karong Enero 23 didto sa Argao Nature Park sa Argao.
Ang lumba adunay 3K ug 7K categories sa male ug female open division.
Gipasiugdahan sa Archdiocesan Shrine of St. Michael the Archangel uban sa municipality sa Argao, ang lumba tipik sa mga kalihukan sa 26th local World Youth Day celebration.
Sa registration fee nga P200, ang mga partisipante makadawat og libreng head gear, race bib number ug route map ug refreshments sa finish line.
Dugang pa niini, ang mga partisipante malibre sab sa Argao Nature Park -- try zipline, wall climbing, boating ug sa Argao zoo ug ingon man pagbisita sa Balay sa Agta ug sa Argao sanbar.
Adunay libreng transportasyon alang sa tanang registered runners. Ang pick up areas naglakip sa Fuente, SM City-Cebu ug sa Cebu City Hall.
Mahimong magparehistro sa Runnr sa Ayala Center-Cebu ug sa PSC Office sa Cebu City Sports Center.
Mga ganting salapi ang ihatag ngadto sa top 3 finishers ug special prizes alang sa best in costume, dirtiest profile sa male ug female division. - BANAT NEWS