Asi di pugngan sa Meralco

CEBU, Philippines - Giklaro ni Meralco Bolts head coach Ryan Gregorio nga dili nila babagan ang ilang sentro nga si Asi Taulava, kun ugaling makahukom kini nga moduwa uban sa Smart Gilas Team Pilipinas.

Si Taulava usa lang sa mga PBA player nga nasaytan sa RP squad aron mag-ensayo alang sa ilang kampaniya sa 2011 FIBA Asia Championship karong Septiyembre didto sa China.

Rachel wa nahadlok

Gipadayag ni Rachel Donaire ang daku niyang salig sa iyang bana nga si Nonito nga maoy mupatigbabaw batok sa Mehikanong si Fernando Montiel sunod buwan didto sa Las Vegas.

Si Rachel nagkanayon nga wala siya batia og kahadlok alang sa maong away tungod kay segurado siya nga iyang kapikas mao ang mudaog alang sa WBO/WBC bantamweight titles.

Batos ni Peñalosa daog

Padayung namupo og daog ang bata ni Pinoy boxing legend Gerry Peñalosa nga si Michael Farenas kinsa midesisyon ni Ariel Delgado sa ilang ten round bout niadtong Sabado didto sa kaulohan.

Si Fareñas mipalambo sa iyang record ngadto sa 27-2-3, 24KOs, samtang si Delgado nahagsa ngadto sa record nga 19-6-3, 8KOs. - BANAT NEWS