CEBU, Philippines - Human sa tulo ka hugna sa botasyon alang sa umaabot nga 2011 NBA All-Star Game, padayong miratsada silang Kobe Bryant sa defending champion Los Angeles Lakers, Dwight Howard sa Orlando Magic ug LeBron James sa Miami Heat kinsa pulos na adunay kapin sa usa ka milyon nga botos.
Ang All-Star Game ipahigayon karong Enero 27 didto sa Staples Center, ang homecourt sa Lakers diin may lima na ka higayon nga mi-host sa maong duwa gikan kaniadtong 1963 diin gi-ila pa kini nga The Forum), 1972, 1983 ug kaniadtong 2004.
Si Bryant maoy nakakuha sa labing daghang boto (overall) ug nag-una sa tanang mga guards sa iyang 1,391,597 votes, si Howard maoy nanghawod sa tanang centers ug ikaduha sa over-all sa iyang 1,205,159 votes samtang si James maoy nag-una sa tanang forwards ug ikatulo overall sa iyang 1,194,091 votes.
Si Bryant sab ang nag-una sa tanang guards sa Western Conference ug didto sa East Conferecne, si Dwyane Wade, ang kauban ni James sa Miami maoy nag-una sa ihap sa iyang 1, 167,649 ug siya maoy ika-upat nga player nga mi-abot og kapin sa milyon ang botos. Ang uban nga mga kandidato sa All-Star wala pa makaabot og usa ka milyon ka boto sa kasamtangan.
Ang paper balloting matapos unya pa sa Enero 17 ug ang wireless balloting o pagboto pinaagi sa internet matapos unya sa Enero 23, may upat ka adlaw sa dili pa ipahigayon ang All-Star.
Sama sa naandan, aduna sa’y ipahigayon nga side events sama sa Rookie-Sophomores, 3-Point Shootout ug Slam Dunk Contest.
Alang sa mga suki sa Banat News nga mahiligon kaayo sa NBA, ania ang uban pang mga paborito ninyong players nga nalakip sa botasyon.
Sa West, ang ikaduhang point guard nga nagsunod kang Bryant mao si Chris Paul sa New Orleans Hornets kinsa nakakuha og 724,605 ka botos. Ang piangon nga sentro sa Houston Rockets nga si Yao Ming mao unta’y nag-una sa West apan igo lang siyang nakakuha’g 754,583 botos dili parehas sa unang tuig nga milapas sa usa ka milyon ang iyang natigum.
Ania ang ubang mga point guards sa West— Manu Ginobili sa San Antonio, Steve Nash sa Phoenix, Deron Williams sa Utah, Russell Westbrook sa Oklahoma City, Tony Parker sa San Antonio, Jason Kidd sa Dallas, Vince Carter sa Phoenix ug Eric Gordon sa LA Clippers.
Si Kevin Durant sa Oklahoma maoy topnotcher sa West forwards sa iyang 954,944 ka botos. Ang iyang kauban mao sila si Carmelo Anthony sa Denver, Pau Gasol sa Lakers, Tim Duncan sa San Antonio, Blake Griffin sa LA Clippers, Dirk Nowitzki sa Dallas, Lamar Odom sa Lakers, Luis Scola sa Houston, Kevin Love sa Minnesota ug si Caron Butler sa Dallas.
Ang mga kandidato sa sentro sa West nga nagsunod kang Yao Ming mao sila si Andrew Bynum sa Lakers, Hilario Nene sa Denver, Marc Gasol sa Memphis, Brendan Haywood sa Dallas, Emeka Okafor sa New Orleans, Chris Kaman sa LA Clippers, Marcus Camby sa Portland, Andy Biedrins sa Golden State Warriors ug si Robin Lopez sa Phoenix.
Didto sa East Conference, ang mga forwards nga nagsunod kang James mao sila si Kevin Garnett sa Boston, Amare Stoudemire sa New York, Paul Pierce sa Boston, Chris Bosh sa Miami, Josh Smith sa Atlanta, Carlos Boozer sa Chicago, Danilo Gallinari sa New York, Danny Granger sa Indiana ug Andre Iguodala sa Philadelphia.
Ang mga guards mao nagsunod kang Wade mao sila si Rajon Rodno sa Boston, Derrick Rose sa Chicago, Ray Allen sa Boston, John Wall sa Washington, Gilbert Arenas sa Orlando, Brandon Jennings sa Milwaukee, Raymond Felton sa New York, Jamal Crawford sa Atlanta ug Joe Johnson sa Atlanta gihapon.
Ang mga sentro nga nagsunod kang Howard mao sila si Shaquille O’Neal sa Boston, Joakim Noah sa Chicago, Andrew Bogut sa Milwaukee, Al Horford sa Atlanta, Roy Hibbert sa Indiana, Andrea Bargnani sa Toronto, Brook Lopez sa New Jersey, JaVale McGee sa Washington ug si Ben Wallace sa Detroit.
Miscellaneous. Advance Happy Fiesta to Cebu City and PIT SENYOR to all Cebuanos and guests. Come, see and enjoy the Sinulog grand parade and celebrate happily the fiesta of our miraculous patron of Cebu Señor Sto. Niño. My special thanks to Ms. Rochel Laurito of the Chong Hua Hospital billing section for her excellent and prompt service when I checked out from the hospital last January 3.