CEBU, Philippines - Samtang nabaniog na ang pagbalhin ni Carmelo Anthony ngadto sa New Jersey Nets, dili gustong mokuyog ang Denver Nuggets point guard nga si Chauncey Billups kaniya.
Nakigsabot na karon ang Nets ug trade tali sa Detroit Pistons ug sa Nuggets nga nagtanyag alang sa pagbalhin nilang Anthony, Billups ug sa guard sa Pistons nga si Richard Hamilton ngadto sa New Jersey apan ang agent ni Billups nga si Andy Miller mitataw nga dili siya buot malambigit sa maong trade.
Gusto ni Billups nga kung buot mokuha kaniya ang Nets, kinahanglan ipaagi kini sa usa ka buyout sa iyang kontrata.
Dugay na untang gusto mo-retiro si Billups isip usa ka Nuggets ug motrabaho na lang sa ilang front office.
Matod pa ni Miller “two or three” other teams also have expressed interest in Billups, but the former NBA Finals MVP wants to stay in his hometown.”
Si Billups kanhi usa ka high school star sa Denver sa wala pa siya moduwa didto sa University of Colorado. Ang asawa ni Billups nga si Piper kanhi sab niyang high school sweetheart ug ang iyang tulo ka anak babaye anaa mag-eskwela sa Denver.
Ang mga ginikanan ug igsoong lalaki ni Billups lakip na ang iyang mga kahigalaan anaa sab magpuyo sa Denver diin aktibo si Billpus sa mga kalihokan sa ilang komunidad lakip na ang paghatag og pundo alang sa college scholarships alang sa mga lokal nga estudyante ug nagdumala sab siya og usa ka basketball academy.
“His position is steadfast,” matud pa ni Miller, ang agent ni Billups ug mipadayon siya sa pag-ingon “I talked to him after practice and he expressed those thoughts. He doesn’t want to go anywhere. Even if it were a rebuilding situation, he’d prefer to be in Denver.”
Si Billups midaog og korona sa NBA kaniadtong 2004 sa didto pa siya moduwa sa Pistons ug lakip sab siya sa gold medal team nga midaog sa world championships sa miaging summer sa Team USA.
Gi-trade si Billups kaniadotng Nobiyembre 2008 ug karon gusto na niyang tapuson ang iyang NBA career sa usa ka progresibong komunidad susama sa Denver bisan pa og mapugos og palig-on ang maong team kung mawagtang na si Anthony. - GGM gikan sa NBA.com