Morales andam na ni Marquez

CEBU, Philippines - Kun ugaling dili gyud makuha ni lightweight champion Juan Manuel Marquez ang gidamgo niining away batok ni Pacquiao, andam nga makigsangka kaniya ang Mexican boxing legend nga si Erik “El Terrible” Morales.

Gipamatud-an ni Morales nga dili pa siya laos dihang midaog siya pinaagi sa unanimous decision batok ni Francisco Lorenzo sa Dominican Republic didto sa Mexico . Si Morales misakmit sa bakanteng WBC silver light welterweight title.

Freeman miluwas sa RP

Gituman ni import Gabe Freeman ang iyang saad dihang iyang gituboy ang Philippine Patriots ngadto sa , 80-73, nga kadaugan batok sa Singapore Slingers sa AirAsia ASEAN Basketball League (ABL) season 2 didto sa Ynares Sports Arena.

Si Freeman miposa og 17 puntos lakip na ang iyang clutch basket aron ituboy ang Patriots ngadto sa ikawalo nilang daog sulod sa 12 ka duwa nga maoy mubala kanila paingun sa semis.

Malaysia abante sa finals

Igo lang mikulit og 0-0 draw ang Malaysia batok sa defending champion Vietnam aron sa pagsakmit sa luna sa finals sa ASEAN Football Federation (AFF) Suzuki Cup niadtong miaging adlaw didto sa My Dinh Stadium sa Hanoi.

Ang Malaysian nagpaabot nalang karon sa mugawas nga mananaug sa laing parisan sa semis tali sa Pilipinas ug Indonesia.

Kontrobersiyal nga draw

Naputos karon sa kontrobersiya ang resulta sa sangka tali ni legendary boxer Bernard Hopkins ug WBC/IBO light heavyweight king Jean Pascal nga misangpot sa usa ka majority draw didto sa Pepsi Coliseum sa Canada.

Gikwestiyon ni Hopkins ang resulta sa maong away tungod kay alang niya mas nakapabor siya sa sinukliay og kinumo sulod sa dose ka hugna batok ni Pascal.