UTASSCO nakadepensa sa ilang titulo sa Power Forty X-mas league

CEBU, Philippines - Milampos ang UTASSCO Utility pagdepensa sa ilang korona human nila gilubong ang Park ‘N Go Bakeshop, 102-85 sa bag-o lang natapos nga Power Forty Christmas League diha sa Inayawan Sports Complex.

Sa sayo pa, nasakmit sa Water Market ang ikatulong puwesto dihang ila sab nga gipanitan ang F&E Electrical Supply sa iskor nga 117-106.

Isip kampiyon, ang UTASSCO ni team owner Atty. Flor Yosores mibulsa og P5,000.

Sila si Alex Mercado ug Wilbor Cabrera nagkumboya'g 54 puntos alang sa UTASSCO. Si Mercado miantog og 30 puntos, samtang si Cabrera mitudas og 24 puntos. Si Rey Mablanco miamot og 13 puntos ug si Jun Nacional mitampo'g 10 puntos.

Mibahog unta og 34 puntos si Michael Arias, apan ang iyang kaubanan wala kaayo makahatag og maayong suporta.

Sa laing bahin, si Water Market team owner Vez Eleguin mibahog og 32 puntos aron pangulohan iyang koponan, si Gideon Bughao midugang og 25 puntos ug si Edwin Dejacto miabuno og 20 puntos. Si Allan dela Rama mipuno og 15 puntos sa maong kadaugan.

Ang pilderong F&E Electrical Supply gipangulohan ni Dodong Piezas pinaagi sa iyang 31 puntos, gisundan ni Hermes Abasolo nga adunay 25 puntos.  

PUNTOS MATAG USA

Unang duwa:

Water Market (117) - Eleguin 32, Bughao 25, Dejacto 20, Dela Rama 15, Ungria 14, Yosores 8, Dacalos 4.

F&E Electrical (106) - Piezas 31, Abasolo 25, Mosqueda 17, Lim 14, Labajo 8, Navares 3, Cabatas 3, Kalinga 3, Pacquiao 2

Ikaduhang duwa:

UTASSCO (102) - Mercado 30, Cabrera 24, Mabalcon 13, Nacional 10, Yosores 9, Atillo 7, Felicitas 3, Labajo 2, Yu 2, Abasolo 2

Park ‘N Go (85) - Arias 34, Ozon 10, Montuis 8, G. Rama 8, Dejarme 8, Echavez 6, R. Rama 6, Filosopo 2, Dimitiman 2, Dumale 1 (BANAT NEWS)