Runner's World Magazine magpahigayo'g running clinic

CEBU, Philippines - Adunay gikatakda nga libreng running clinic nga pagapasiugdahan sa Runner’s World Magazine karong Disyembre 18 diha sa Ayala Active Zone.

Pagasugdan sa alas-4 sa hapon hangtod sa alas-6 sa gabii, ang running clinic buligan sab sa Ayala Center ug sa Cebu Executive Runners Club.

Ipahigayon kini isip runup alang sa 2011 Cebu City Marahon nga ipahigayon sa Enero sunod tuig.

Si Marie Calica, editor-in-chief sa Runners' World Magazine Philippines ug si Beth Siojo ug ultra-marathoner kinsa multi-awared triathlete ug columnist sa Runner's World Magazine, maoy mga special guests sa maong clinic.

Libre ang registration. Niadtong interesadong moapil maoy magpalista sa Cebu City Marathon booth sa Ayala Active Zone. Unang 150 ka registrants ang makadawat og libre kopya sa Men's Health, Women's Health or Runner's World Magazine.

Alang sa dugang pang mga kasayoran, mahimong mokontak ni Daryl sa numero 232-8518 to 19.

Ang running clinic gipresentar sab sa Summit Media, Men's Health, Women's Health ug Cebu ASAP Advertising Services and Promotions. (BANAT NEWS)