Arcilla mabigat na laban ang haharapin sa PCA Open

MANILA, Philippines - Idedepensa ni Filipino bet Johnny Arcilla ang kanyang korona laban sa mga foreign-based players na may Filipino roots sa 29th Philippine Columbian Open (PCA).

Ang top-seeded Arcilla ay makakasukatan nina Filipino-Americans Andrew Cooney at Rickey Baylon, Filipino-German Marc Sieber at Milan-based Marc Reyes sa men’s division na hahataw ngayong araw sa PCA indoor shell claycourt sa Paco, Manila.

Hindi rin dapat bale­walain si Southeast Asian Games veteran Patrick John Tierro, ilang runner-up finishes ang nakuha sa torneo.

“Matinding hamon ito. Malalakas ang mga kala­ban pero handa naman akong makipagsabayan para maipagtanggol ko yung titulo ko,” wika ni Arcilla, hangad ang kanyang pang limang korona sa torneong itinataguyod ng Ce­buana Lhuillier.

Sa ladies division, hindi naman makakalaro si five-time titlist Czarina Mae Arevalo.

Ang Patrimonio sisters na sina Anna Clarice at Anna Christine ang mangu­nguna bukod pa kina vete­rans Michelle Pang, Marinel Rudas at Trudy Amoranto.

Nasa listahan rin sina Filipino-Americans Mariel Ante at Desirae Krawcyk.

Kabuuang P550,000 ang nakataya sa nasabing annual event na ito nga­yong taon.