Davis Cup gitakda sa Marso 4-6

CEBU, Philippines - Andam na ang tanan alang sa prestihiyosong tennis event, ang Davis Cup nga ipahigayon sa labing unang higayon dinhi sa Sugbu karong Marso 4-6 sunod tuig diha sa Plantation Bay Resort and Spa.

Sumala pa ni Philippine Tennis Association (PhilTA) president Juanito Villanueva nga iyang nakita nga angay usab nga ipahigayon ang Davis Cup gawas sa Metro Manila.

Unya sa Marso 4-6 sunod tuig, ang Philippines mohagit sa Japan sa Davis Cup World Group I tie.

Ang Philippine team langkuban ni Cecil Mamiit, kinsa maoy playing coach, Robin Gonzales ug French-German Marc Saver ug ingon man nila ni Johnny Arcilla, PJ Tierro ug Joseph Victorino.

Si Mamiit naglantaw sab og mga posibleng magduduwa nga mohulma sa Philippine squad gikan sa mga mananaog sa Philippine Columbian Association Open, nga maoy labing dakung local tournament sa nasud.

Ang pirmahay sa Memorandum of Agreement sa Davis Cup tie nahitabo kagahapon didto sa   Alcatraz Ballroom sa Plantation Bay Resort and Spa uban ni PhilTA president Juanito Villanueva sa Davis Cup Philippines, Plantation Bay Resort and Spa general manager Efren Belarmino, Consul Toshi Okajima sa Japanese Consulate in Cebu ug Lapu-Lapu City Mayor Paz Corro Radaza. (BANATSPORTS)