Donaire kumpiyansa at handa sa pagharap sa Ukrainian pug

MANILA, Philippines - Handang-handa at kumpiyansa.

Ito ang makikita sa mukha ni Nonito “The Filipino Flash” Donaire, Jr. kaugnay sa kanilang banggaan ni dating bantamweight champion Wladimir Sidorenko ng Ukraine sa Linggo sa Honda Center sa Anaheim, California.

“I’m 100% right now. I feel good. I’m very confident. I trained really, really hard for this fight,” ani Donaire, nagbabandera ng 24-1-0 win-loss-draw ring record kasama ang 16 KO’s.

Paglalabanan nina Donaire at Sidorenko (22-2-2, 7 KO’s) ang World Boxing Association (WBA) interim bantamweight title.

Sakaling manalo si Donaire kay Sidorenko, itatakda ni Bob Arum ng Top Rank Promotions ang kanilang unification fight ni World Boxing Council (WBC) at World Boxing Organization (WBO) bantamweight king Fernando “Cochulito” Montiel ng Mexico sa Pebrero 19, 2011.

Ang tubong Talibon, Bohol na si Donaire ay nagkampeon sa flyweight division ng International Boxing Federation (IBF) at International Boxing Organization (IBO) matapos patulugin ang dating haring si Vic Darchinyan via fifth-round KO noong Hulyo ng 2007.

 Si Sidorenko naman ay dating WBA bantamweight champion.