Mosley handang bumaba para makalaban si Pacman
MANILA, Philippines – Mula sa isang pagiging 160-pounder, handang bumaba si Sugar Shane Mosley sa 147 pound weight limit (welterweight) para makalaban si Filipino world eight-division champion Manny Pacquiao.
“That’s fine. I’m cool with it,” sabi kahapon ng 39-anyos na si Mosley sa panayam ng FightHype. “I’m 160 (pounds) right now; about 158, 159, 160 right now, so it’s just 10 pounds. I’m really a welterweight.”
Si Mosley ang isa sa mga ikinukunsidera ni Bob Arum ng Top Rank Promotions para sa posibleng makasagupa ng 31-anyos na si Pacquiao sa Mayo ng 2011.
Ito ay kung hindi na maaayos ang megafight nina Pacquiao at Floyd Mayweather, Jr., dalawang beses umatras sa kanilang mga naunang negosasyon para labanan si Pacquiao.
Tangan ni Pacquiao ang 53-3-2 win-loss-draw ring record kasama ang 38 KOs, habang dala ni Mosley ang 46-6-1 (39 KOs) slate.
Ayon kay Mosley, alam na niya kung paano labanan si Pacquiao na pilit na iniiwas sa kanya ni trainer Freddie Roach.
“My arms are long, I know how to keep my range, make him come at me, and I can jab him because I’m longer than him,” ani Mosley kay Pacquiao. “That’s going to give him some problems.”
Bukod kay Mayweather, Jr. (41-0-0, 25 KOs), nasa listahan rin ni Arum si Juan Manuel Marquez (51-5-1, 37 KOs).
- Latest
- Trending
