Miami pilde na sab

CEBU, Philippines - Gipahamtangan sa Dallas Mavericks sa ilang ika-upat nga pilde sulod sa lima ka duwa ang nagkabugnaw nga Miami Heat pinaagi sa pag-iskor og 106-95 nga kadaogan kagahapon sa nagpadayong 2010-2011 NBA season kagahapon didto sa American Airlines Center sa Dallas, Texas.

Dihay usa ka higayon nga gilutsan ni Dirk Nowitzki sila si Dwyane Wade ug LeBron James ug nag-ilog ang tulo ka All-Stars sa Miami lakip kang Dallas-born nga si Chris Bosh aron dakpon ang bola human mosulod ang iyang game-turning lay-up pagsugod sa second half. Bisan pa sa pagbalik og duwa ni Wade, pakyas gihapon ang Miami pagpukan sa Mavericks sa regular season.

Ang Heat kinsa napilde na og upat sa ilang lima ka duwa, naghupot na karon og 9-8 nga baraha bisan pa usab sa pagbalhin nilang James ug Bosh sa Dallas usa na ka buwan ang milabay.

"We felt like we needed it. Sometimes it's a feel. We haven't had a team-only meeting. We're playing like 9-8 and we needed it," matod pa ni Wade.

Si Wade misumpay sa pag-ingon nga "This is a new team, a new group of guys. Guys need to understand each other and hear each other talk. We all feel better after the talk we had."

Sa miaging tuig sa susama ning buwana, ang Miami nagtangag sab og 10-7 nga baraha.

"It's tough because I know the potential of this team, the vision I had when this team was put together,” padayon pang batbat ni Wade.

Mibahug og sagunson nga siete puntos sa iyang topscoring 23 puntos si Caron Bulter dihang nagmangtas ang Mavericks atol sa third quarter alang sa Mavericks kinsa wala pa mapilde sa usa ka regular season game batok sa Miami kapin na sa unom ka tuig ang milabay.

Misulod sa interview room sila si James ug Wade may 45 minutos ang milabay human sa duwa apan parehong wala sila mobutyag kung unsay ilang gihisgotan sulod sa ilang locker room.

Sa laing duwa, gibugto sa Atlanta Hawks ang five-game streak sa New York Knicks didto mismo sa korte sa nauwahi didto sa Madison Square Garden sa New York City human sa ilang 99-90 nga kadaogan.

Gipatapsingan sa Orlando Magic ang Washington Wizards, 100-99 bisan og wala makaduwa ang no. 1 rookie draft nga si John Wall alang sa Wizards. Midaog ang Cleveland batok Memphis, 92-86, gilubong sa Philadelphia ang New Jersey, 102-86, midaog ang Golden State batok sa Minnesota, 104-94, naka-ipsot ang Milwaukee batok sa Charlotte, 104-101 ug midaog ang Chicago batok sa Sacramento.