CEBU, Philippines - Laing higayon ang gihatag sa nagsangki-ig nga FAL Shipping aron moabante sila sa semifinals dihang ilang ikasangka ang walay daog-daog nga Sunline Machine Shop sa pagpadayon sa Lucio 'Guy' Lim Sr. Memorial basketball tournament karong gabii diha sa City Sports Club-Cebu gym sa Cebu Business Park.
Sa laing knockout match, suwayan sab sa Aisle Marine pag-abante sa semifinals dihang banggaon ang Megapaints.
Ang FAL Shipping, kinsa nakahimo’g 3-0 start ug usa sa mga top contenders, miyukbo ngadto sa solo-leader Lite Shipping ug sa Cebu Movers System (CMS) sa katapusang duha ka duwa sa elimination.
Ang modaog tali sa FAL Shipping ug Sunline Machine Shop maoy makigsangka sa Lite Shipping sa semifinals sa sunod semana ug ang modaog tali sa Aisle Marine Services ug Megapaint maoy moharong sa CMS.
Ang Lite Shipping (0-5) pangulohan ni team owner Jonathan 'Niño' Imoy, samtang ang CMS (4-1) pangulohan sa ilang playing coach Dr. Boy Te. (BANATSPORTS)