Boxers sa Team Cebu City nangandam sa PRISAA

CEBU, Philippines - Upat ka boksidor sa Cebu Sports Center (CCSC) stable iparada sa Sugbu alang sa Private Schools Athletic Association (PRISAA) karong Disyembre 2 diha sa Cebu City Sports Center.

Ang CCSC boxers, kinsa niaway usab sa miaging ABAP regional boxing tournament mao sila si Zoro Mabel sa 57 kgs., John Kenan sa 54 kgs. ug ang managsuong Ian ug Allan Refuela sa 48 kgs. ug 51 kgs. weight class.

Ang nahisgutang mga boksidor padayon karon ang ilang todo ensayo aron makuha ang ilang kondisyon sa dili pa ang kompetisyon.

Sa laing bahin, ang boxing clinic nga gipasiugdahan sa CCSC nagpadayon gihapon sa matag adlaw'ng Sabado diha sa Pahina San Nicolas Proper Sports Complex. – BANAT NEWS