Ayos na si Manny
HOLLYWOOD - Matapos makakuha ng ‘clean bill of health’, agad na umalis si Manny Pacquiao sa Los Angeles para sa isang 45-minute flight na magdadala sa kanya sa Lake Tahoe para sa isang concert ngayon.
Sumakay si Pacquiao ng eroplano ganap na alas-8 ng gabi kasama ang kanyang asawang si Jinkee, ilang kaibigan at miyembro ng MP band.
Nauna rito, kumalat ang tsismis na isinugod si Pacquiao sa hospital dahilan sa sobrang sakit ng katawan 36 oras matapos ang kanilang 12-round battle ni Antonio Margarito noong Linggo sa Dallas.
Binugbog ni Pacquiao ang mas matangkad na si Margrito para sa kanyang unanimous decision win at angkinin ang kayang pang walong world title sa walong magkakaibang weight classes.
Sa kanyang pag-alis sa Dallas pabalik ng Los Angeles, halos hindi maigalaw ni Pacquiao ang kanyang katawan.
Nagulat naman ang adviser ni Pacquiao na si Mike Koncz sa naturang tsismis.
“It’s been blown out of proportion. Manny was not rushed to the hospital. He was brought to the hospital. There’s a big difference in those two words. He’s fine. No worries,” wika ni Koncz.
Ayon kay Koncz, si Pacquiao ay binisita ng kanyang personal physician mula sa Pilipinas na si Dr. Regina Bagsic sa kanyang mansyon sa Larchmont, Los Angeles.
May bandage si Pacquiao sa kanyang rib section habang tinitingnan ito ng naturang lady doctor.
- Latest
- Trending
