Bartolo, Tabal hawod sa Eco Dash Run

CEBU, Philippines - Ang Davaoeño runner nga si Elmer Bartolo ug Mary Joy Tabal sa Southwestern University (SWU) mao ang nanghawod sa 2nd Eco Dash Run kagahapon didto sa The Terraces sa Ayala Center-Cebu.

Human sa iyang kalampusan niadtong miaging semana didto sa Boljoon, diin siya mirehistro og 34:35, padayon ang kakusog sa pagadagan ni Bartolo diin iyang gitapos ang lumba sa oras na 33:25 aron maghari sa   10K men’s division.

Nagsunod ni Bartolo sila si Adonis Singson (33:50) ug Phillip Dueñas (34:36) nga maoy mikompleto sa top three finishers.

Sa pikas bahin, bisan og mihinay siya itandi sa iyang performance sa miaging Run for IT diin mirehistro siya mi-oras og oras nga 34:22, nakahimo gihapon siya pag-angkon og laing korona dihang gilabang niya ang finish line sa oras nga 40:32 aron manghawod sa 10K women's class. Iyang runners-up mao sila si Carmell Suico (56:15) ug Kaye Mazagar (56:17).

Sa 5K division, ang produkto sa University of Southern Philippines-Foundation (USPF) Joel Delposo maoy naghari diin mi-oras siya og 6:20 sa men’s class, samtang si Joeyry Lee sa women division sa oras na 16:10. (BANATSPORTS)