Patrombon sibak na

MANILA, Philippines - Hindi kinaya ni Jeson Patrombon ang husay ni Ben Wagland ng Australia para pormal na mamaalam sa Seogwipo Asia-Oceania Closed Championships mula sa kanyang 3-6, 5-7 kabiguan sa Jeju-do Korea.

Nagawang bigyan ng magandang laban ng second seed na si Patrombon ang fourth seed na si Wagland pero pinalad rin ang huli na magkaroon ng mga breaks nang magtala ng mga errors ang Filipino junior netter.         

Sa second set ay nagkaroon ng magandang pagkakataon si Patrombon na maitabla ang laro sa 1-1 nang kunin ang 5-4 lamang.

Sa serbisyo ni Wagland at nagkaroon ng walong deuces pero pinalad ang Australian netter na matawagan ng good ball ng lady umpire ang hataw sa bola na ayon sa mga lineman ay lumabas ng court.

Sasabak si Patrombon sa XXIV Yucatan World Cup sa Merida Mexico sa Nobyembre 22-27.