Fiesta Cup footballfest sugdan karon

CEBU, Philippines - Siyam ka koponan ang nangahas pag-angkon og titulo sa 1st Engineer's Fiesta Cup Football Festival nine-a-side karong adlawa diha sa Sta. Lucia grounds sa Consolacion.

Kini mao ang Queen City United, Barili Football Club, Count Football Club nga adunay duha ka koponan, SRRU, University of San Carlos Boys High, Promisimo, Danao Football Club, Sambag 1, Happy Feet United ug ang San Roque Football Club.

Gawas sa 9-a-side action, may gubat sab sa men's open nga mosubay og 11-a-side format sugod ugma. Lain pang kategoriya nga tigian mao ang players 6, 8, 10, 14, girls 17, 38-above ug inter-company.

Ang kalihukan ubos sa sports development program ni Consolacion Mayor Teresa Pepito Alegado ug Vice Mayor Rey Damole pinaagi sa mga paningkamot ni Engr. Nilo Ferraren, ang municipal council's committee chairman sa games and amusements. (BANATSPORTS)