Water Market mipilde sa Park N' Go

CEBU, Philippines - Nakasagunson og duha ka daog ang Water Market human ilang gipukan ang Park ‘N Go Bakeshop, 106-93 sa Power Forty Christmas League diha sa Inayawan Sports Complex.

Sa laing duwa, mikulit sa una nilang daog ang Allyn & Sons human maka-eskapo bitbit ang 88-85 nga kadaugan batok sa Precious Ellah. Ang duha pareho karong nagtangag og 1-2 nga baraha.

Si Gideon Bughao maoy nangu sa Water Market pinaagi sa iyang 21 puntos, samtang si Allan dela Rama midugang og 18 puntos.

Sila si Romeo Montuis ug Dome Ozon mi-iskor og 20 ug 19 puntos aron pangulohan ang Park ‘N Go Bakeshop nga wala pa makahaon og daog sa duha ka duwa.

Si Carding Vernaiz miburak og 25 puntos aron pangulohan ang Allyn & Sons, samtang si

Rusty Caballero nga mibahog og 23 puntos mao sab ang nangulo sa pilderong Precious Ellah, gisundan ni Dodoy Abellana sa iyang 18 puntos. Sila si Eric Cabañero ug Noel Flordeliza parehong miabuno'g 14 puntos alang sa naparot nga Precious Ellah.

Puntos Matag Usa

Unang duwa:

Water Market (106) - Bughao 21, Dela rama 18, Eleguin 14, Ungria 14, Dejacto 13, Yosores 8, Genzon 6, Labalan 4, Dacalos 4, Mapait 2, Cayacap 2

Park ‘N Go (93) - Montuis 20, Ozon 19, Arias 14, Dejarme Filosopo 8, Layon 7, Echavez 4, Dimitiman 4, R. Rama 3, Rama 2

Ikaduhang duwa:

Allyn & Sons (88) - Vernaiz 25, Tabar 19, Albaño 12, Lisondra 12, Moniva 10, Sandal 6, Plarizan 2, Colinares 2

Precious Ellah (85) - Caballero 23, Abellana 18, Cabañero 14, Flordeliza 14, Cabaluna 6, Nacario 4, Abadejos 3, Rabadon 3. – BANAT NEWS