Jugan Thursday Club natukod

CEBU, Philippines - Nakapili na og mga opisyales ang bag-ong natukod nga Thursday Club sa Brgy. Jugan sa lungsod sa Consolacion dili pa dugay.

Ang mga napiling opisyal naglakip nila ni brgy. councilor Diosdado 'Dadski' R. Ygot (president), brgy. councilor Neil 'Boboy' C. Pepito (vice president), Anecito Tajaki (secretary), brgy. councilor Jaime P. Pilapil, Sr. (treasurer) ug Briks Secretario (press relations officer).

Naglangkob sa Board of Directors mao sila si Antonietto 'Tony' Pepito, Joselito 'Dodong' C. Cabahug, Lecerio 'Boy' Dumadag, Victor 'Vic' Kho, Jerome Taborada, Michael Ernie ug Watha Marinas.

Ang Thursday Club gitukod sa mga minyo, apan ubos sa 60 anyos nga mahiligon sa basketbol ug ilang tumong niini mao ang paghiusa.

Sa sinugdan, gamay ra ang miyembro niini, apan karon ang Jugan Thursday Club aduna nay upat ka team nga gilangkuban og 15 ka mga miyembro nga adunay ilang kaugalingon kolor nga mao ang White, Red, Light Blue ug Yelow.

Sa pangan pa lang sa ilang grupo, ang mga duwa himuon matag adlaw'ng Huwebes.

Si Jugan Brgy. Capt. Diosdada 'Dada' Gielczyk   nakakita sa kamahinungdanon niini alang sa mga aduna nay pangedaron ug gumikan niini, ang grupo gihatagan og libreng paggamit sa sports complex atol sa ilang duwa. – BANAT NEWS