Armenian boxer ipinatawag ni Roach para maka-spar ni Pacman
MANILA, Philippines - Matapos sina Michael Medina ng Mexico at Glen Tapia ng Dominican Republic, si Vanes Martirosyan naman ng Armenia ang makaka-sparring ni Filipino boxing superstar Manny Pacquiao.
Ang sumisikat na light middleweight prospect na si Martirosyan ay tinawagan na ni American trainer Freddie Roach para pag handaan ang kanilang sparring ni Pacquiao sa Wild Card Boxing Gym sa Hollywood, California.
“I just got the phone call and I can’t wait to get in there with Manny,” sabi ni Martirosyan, nagbabandera ng malinis na 28-0-0 win-loss-draw ring record kasama ang 17 KOs.
Kumpiyansa si Martirosyan na siya ang makakapagbulsa ang itinayang $1,000 ni Roach para sa sparmate na makakapagpabagsak sa world seven-division champion na si Pacquiao.
Umaasa rin si Martirosyan na matutulungan niya si Pacquiao sa paghahanda para sa laban nito kay Mexican Antonio Margarito sa Nobyembre 13 sa Cowboys Stadium sa Arlington, Texas.
- Latest
- Trending
