CEBU, Philippines - Gisubhan dayon og daog ang Black team ug ang Yellow team atol sa pagbukas sa Los Amigos Basketball Association (LABA) didto sa Banilad Sports Center sa dakbayan sa Mandaue.
Ang Black midaog batok sa Green sa iskor nga 61-56, samtang ang Yellow sa pagpangulo ni Dr. Dante Bercede, ang amahan ni PBB Teen Fritzie Bercede, nimasaker sa Blue, 59-39.
Si Arnold Pestaño maoy bugtong player sa Black nga nakakuha'g double figures alang sa maong kadaugan pinaagi sa iyang 18 puntos.
Ang Green gipangulohan nilang Richard Madrid ug Bert Colis kinsa mibahog og 11 puntos matag usa.
Sa laing bahin, si Francis Ting ug si Jun Mauro maoy nangu sa Yellow sa ilang 14 ug 12 puntos matag usa.
Sila si Ben Basiga ug Loloy Son parehong miburak og 15 puntos alang sa pilderong Blue team.
Puntos Matag Usa
Unang duwa:
Black (61) - Pestaño 18, Lopeña 9, Espina 8, Pañe 7, Magale 6, Toyao 6, Migallen 4, Awen 2, Bejasa 2, Martillan 2, Cinco 2
Green (56) - Madrid 11, Colis 11, Maratas 7, Quiñahan 7, Recto 6, Jacalan 3, Policios 3, Celiz 3, Conde 2, Bacatan 1
Ikaduhang duwa:
Yellow (59) - Ting 14, Mauro 12, Goersua 8, Inocando 6, Yares 4, Awie 4, Sebandal 3, Ubas 2, Branzuela 2, Auman 2, Cosido 2, Bercede 2, Cortes 1
Blue (39) - Basiga 15, Son 15, Labiste 8, Mengane 4, Seno 3, Cabahug 2, Chavez 2, Bellagantol 2. – BANAT NEWS