Posadas tumalon sa 4th place
TOULON, France - Nagpagulong si Apple Posadas ng 2336 pins sa 10 games para umakyat sa fourth place mula sa 17th place, habang nahulog naman si dating World Masters champion Biboy Rivera sa eigth place sa 46th Qubica AMF Bowling World Cup.
Nagtala si Rivera, namuno sa unang qualifying round bago nadulas sa third place sa ikalawang araw, ay naglista ng 2179 matapos ang ikalawang five-game block para sa kanyang average na 217.90.
Inagaw naman ni Posadas ang eksena nang magposte ng 2336 para kunin ang fourth spot.
Si South Korean Gye Min-Young ang nagbunga sa women’s field sa kanyang 2474 kasunod ang 2367 ni Malaysian Wendy Chai at 2347 ni Singapore’s Daphne Tan.
Kinuha naman ni American John Szczerbinski ang isang 75-pin lead matapos ang second round sa men’s singles sa kanyang 2335.
Nasa ilalim sina Norwagian Mads Sandbaekken (2260) sa kanyang five-game series na 1207 kasunod sina Matt Miller ng England (2239), Swiss Kwan Harn-Chieh (2218) at Venezuelan William Ching (2206).
Ang record number na 167 players (91 men at 76 women) mula sa 92 countries ang naglalaban sa individual kegfest na dinomina ni legendary Paeng Nepomuceno ng apat na sunod.
Ang naturang bilang ng mga kalahok ang siyang bumasag sa dating record na 166 na naiposte sa 40th BWC sa Singapore noong 2004.
- Latest
- Trending
