Badjao milubong sa Ehncor

CEBU, Philippines - Ang Bajao ni team manager Minan Caseda walay kukaluoy nga milubong sa Ehncor, 80-52 aron temporaryong maghari sa Open C division sa 2010 Lapu-Lapu Fiesta basketball tournament diha sa Lapu-Lapu City gym.

Bitbit ang 2-0 nga baraha, ang Badjao gipangulohan ni Jojo Basmayor, kinsa mikadlit og 15 puntos, samtang sila si Arada ug Junjun Vistal nagkumboya'g 22 puntos. Si Ryan Villomo igo lang mi-iskor og sayes puntos, apan maayo kaayo kining nakapatuman sa ilang game plan nga maoy gihimo nilang hinagiban pagpukan sa Ehncor.

Si Pascual maoy topscorer sa pilderong Ehncor (0-2) pinaagi sa iyang 14 puntos, gisundan ni Lester nga adunay 13 puntos.

Ang torneyo nga gipasiugdahan ni Lapu-Lapu City Councilor Harry Radaza, usa sa mga dagkung kalihukan sa tinuig nga kapistahan sa ilang mahal nga patron Birhen sa Regla karong Nobiyembre 20-21.

Puntos Matag Usa

BAJAO (80) - Basmayor 15, Arada 12, Vistal 10, Cañete 9, Daño 8, R. Villomo 6, F. Caseda 6, G. Caseda 6, Godinez 6, R. Villomo 2, Capute 2

EHNCOR (52) - Pascual 14, Lester 13, Ebonalo 8, Berdin 7, Estremos 6, Manilag 2, Louel 2. – BANAT NEWS