Lite, FAL Shippings nagsawo sa liderato

CEBU, Philippines - Si team owner Niño Imboy ug Allan Cabral parehong mi-iskor og 27 puntos alang sa Lite Shipping nga milubong sa Sunline Machine Shop, 102-67 sa Lucio "Guy" Lim Sr. Memorial Cup basketball tournament diha sa City Sports Club-Cebu gym sa Cebu Business Park.

Sa laing duwa, gilubong sab sa Cebu Movers System ni playing coach Dr. Boy Te ang Mega Paints sa iskor nga 97-81 aron magsolo sa ikaduhang puwesto.

Sa maong kadaugan, ang Lite Shipping nagsawo sa liderato uban sa FAL Shipping sa managsama nilang 3-0 nga baraha.

Ang Sunline nga walay daug-daog sa tulo ka duwa, unang milabaw, 7-1, apan ang Lite Shipping mibawos pinaagi sa ilang 19-0 run alang sa ilang 20-7 nga abante ug hinay-hinay nga giinat ang labaw hangtod na nga nahuman ang duwa.

Sila si Jeffrey Sinoy ug Dante Elim midugang og 13 ug 11 puntos matag usa alang sa Lite Shipping.

Si Benjie Pancho maoy nangulo sa Sunline pinaagi sa iyang 20 puntos.

Sa laing bahin, si Franco Te miposa og 24 puntos, samtang si Juanito Sasing miabuno og 19 puntos alang sa Cebu Movers System. Si Mark Valencia mao ang nangulo sa Mega nga mikulit og 24 puntos

Si Mark Valencia mi-iskor og 24 puntos alang sa Mega Paint, kinsa nahimutang na karon sa kinaubsan sa ilang 0-4 nga baraha.

Puntos Matag Usa

Unang duwa:

Lite Shipping (102) - N. Imboy 27, Cabral 27, Sinoy 13, Elim 11, J. Imboy 7, Cabañas 6, Iway 5, Marago 4, Bernales 2

Sunline (67) - Pancho 20, Guianan 16, E. Baring 11, Canoog 8, Berezo 6, Baring 3, Jumao-as 2

Ikaduhang duwa:

Cebu Movers (97) - F. Te 24, Sasing 19, Cortes 16, Ocampo 10, Reyes 10, B. Te 4, Amoroto 4, Lacno 4, Saligumba 2

Mega Paint (81) - Valencia 24, Pantilag 16, Galeos 12, Indoyon 11, Ermac 8, Amian 8, Basaka 2. – BANAT NEWS